Piše: Danica Leštek
Imeli sme posebnu čast da nam o Katarinam z roda Frankopana govori profesor emeritus dr. sc. Alojz Jembrih. Prva Katarina je čer Ivana Frankopana tera je daruvala samostan v Košljunu, druga je Katarina čer Ferdinanda Frankopana, žena hrvatskuga bana i sigetskuga junaka Nikole Šubića Zrinskuga. Trejta i najslavnieša je Ana Katarina Zrinski čer Vuka II. Krste Frankopana žena Petra Zrinskuga i sestra Frana Krste Frankopana. Ona je imiela tragičnu sudbinu jer su je muža i brata likvidierali v Bečkamu Novamu Mestu 1671. leta. Najlepše ljubavne pisme Katarine je napisal njezini muš Peter z rešta večer prije nek su mu odsekli glavu. Ta Katarina je bila spisateljica i dr. sc. Jembrih nam je čital z njezinuga Putnuga tovaruša. Bile je liepe čujti tiej neprežaljeni jezik ozaljskuga književnuga kruga. Največ zanimanja je bile za Katarinine Sibile kaj ih je ona z mađarskuga prevela i prilagodila. S tim sme se na kraju ozbiljnuga predavanja liepe zabavili i zadovoljni se dima fputili.
