V četrtek 30. siečnja imeli sme priliku čujti prof. dr. sc. Zdravka Dolenca ki nam je pripovedal o tičeka. Najpredi sme prečitali listeka kaj nam je golub z Bistre od Vere Grgac donesel i kaj nam je Dragica Reinholz o tičima napisala, a onda je počelo predavanje. Naš gost je pravi znanstvenik, ali nam je se povedal kak običnem ljudem, tak da sme ga si mogli razmeti. Pokazal je da je Gazophilacija cieluga preštudieral i se kajkafske imene za tiče i tičeke znutra snel. Za sakuga nam je sliku pokazal tak da zname teri je to tič, se nam je o njemu povedal i vidli sme da mi o tomu ne zname nič. Još nam je i jajčeke od nekterih tičekof pokazal i mogli sme čujti kak sove juščeju. Bile je pitanj, a čuli sme da imame i pravih ljubiteljef tičekof ki jih čez zimu hraniju i tičeki pri njimi kak gospoda vživaju. Bile nas je čudaj, vidle se da su tema i predavač praf zebrani. Sakamu duo nieje bil naj bu krive…
Piše: Danica Leštek
