Piše Danica Leštek:
V četrtek 26. ožujka došla nam je na KAJkavicu draga gošča Nevenka Gregurić. Ona je prava čuvarica tradicije i života kakef je negda bil. Cieli život piše pesme i zapise mudrosti našeh stareh. Nevenka veli da je želela život kakef je negda bil zabiležiti da se ne pozabi. Objavila je jenu zbirku pesmi, jen roman i osam pripovetki. Najviše piše na lokalnomu kajkafskomu. Več 21 lete je jedina autorica kolumne v Zagorskam listu, ka se zove: Za dušu za spomenek…. KAJkavica z Nevenku nam je zbiljam bila za dušu jer nam je poviedala neverovatne pripovesti z svojuga života i dala nam je misliti…
