Piše: Danica Leštek
Pokle lietne stanke v sobotu 26. rujna održali sme nuovu KAJkavicu i to posebnu, terensku. Bile je liepe vrieme i naša mala, eli vesela ekipica krenula je prema Visokomu kre Nuovuga Marofa. Tam sme vuživali v ručno napravljenam cvietju od krep papiera i v kolača. Bili sme na 8. Međunarodnomu festivalu kinča: Med roža male Terezije respelo kraljuje.. Na festival nas je pozval idejni začetnik Tibor Martan, a organiziraju ga KUU “Magda i Luisa”, KUD “Braća Radić” i Dramska družina “Ozana”. Bili sme ugodne iznenađeni jer su nas z Kajkaviane predstavili kak posebne goste i nafalili naš rad, a posebne istaknuli radionicu KAJkavicu. Program je bil liepi, tancale se, popievale pesme su se čitale i igrokazi igrali i to največ na naše drage kajkavice. V programu su sudjelovale i članice KAJkavice Nada Starčević tera nam je prečitala svoj esej “Sveta mala Terezija” i Dragica Reinholz od tere sme čuli dvije pesme: “Moja zemlja i ja, čakame se” i “Božič pod krovem od serca”. Vrnuli sme se dima z srcam punam veselja i rukami punami roži.
