Piše: Danica Leštek
V četrtek 28. svibnja održali sme novu KAJkavicu de su Nada Starčević Lopac i Tibor Martan održali predstavljanje svojih knjig Rožina tejna i Angelski posli i cajti. Ž njimi su nam z Varaždinbrega i Novuga Marofa angeli deleteli i rože su pri Felleru precvele, se je bile pune svibanjske duhe, dobroute, nežnosti i pobožnosti. Te dvije knjige kaj su obadvije zišle 2024. leta, na kajkafskomu, v stihu i proze kak da se spominaju kak da se angeli i rožine lati z jene v drugu knjigu spreletavaju. A i mi kaj sme bili na KAJkavice sme liepe pesme posluhnuli i fajn se pospominali. De doma su nas angeli v rožine duhe pratili.
