Piše: Danica Leštek
V četrtek 15. listopada bila je nuova KAJkavica. Imeli sme predstavljanje knjige Maček na stuolcu mr. sc. Stjepana Crnića z bogatim progamam. Lektor knjige mr. sc. Ivan Cesarec nažalost nije mogel duojti pak sme imeli priliku čujti kaj je on napisal o Stjepanu Crniću v Enciklopedije Hrvatskoga zagorja. O knjige su nam govorili urednica prof. Vlasta Horvatić Gmaz, pesnikinja Katarina Zadrija, likovni urednik Stjepan Đukić Pišta i sam autor. Bil je tu i pravi recital Crnićeve pesmi. Čuli sme kak se govori v ivanečkam kraju, v selu Bedencu, jer nam je Stjepan praf po domači čital svoje pesme. A kre njega pesme su čitali Katarina Zadrija i Stjepanovi vnučeki Patrik Crnić i Matija Kuljko. To je bil posebni gušt, čujti kak dedekove stihe čitaju vnučeki i veseliti se tomu da oni neju svuoj ivanečki govor pozabili, a moti buju i oni jenuga dana kajkafske pesme pisali.
