Piše: Danica Leštek
Na Petrove 29. lipnja 2026. bile je fest vruče, eli nije mogle spriečiti da ljudi duojdeju na zadnju KAJkavicu prieje lietne stanke glet i poslušat Veru Grgac i prof. Vlastu Horvatić Gmaz. Zišla je nuova Verina kajkafska knjiga “Da to bou” v Splitu i bila nam je čast da sme ju prvi mogli videti i pretstaviti. Vlasta nam je “otprla” knjigu jer je poviedala o čemu Vera piše, a piše o svojamu ljubljenamu bistranjskamu kraju, domovine, o naša sakidašnja muka. A se to mogle bi se v dva Verina stiha zbiti: “…se imamo, a do sega buogzna koj ne držimo.
Ničesa si vre niti ne želimo!”
Protif svoje navade Vera v ove knjige piše i o ljubavi, a po navade i o vere i Bogu, a završava z drvenim konjekom z proščenja v Mariju Bistricu. Bile nam je liepe posluhnuti kak je nastala ova zbirka, a posebne sme uživali gda nam je pesnikinja sama prečitala par piesmi na svojam bistranjskam govoru. Ostaje nam same poželjeti Vere dobre zdravlje i da se još pune put najdeme, spominame i pesme poslušame.
