Piše Danica Leštek:
V pundeljek 17. veljače sme obrnesli još jenu KAJkavicu: kajkavsku radionicu ka se zvala: Anonimna kajkavska drama – Čini baruna Tamburlana, a vodila ju je naša najmlajša članica Magdalena Blagec. Bile nas je čudaj za stolam i bile je vesele.
Za početek su Ines Krušelj Vidas i Danica Leštek odglumile Miška i Tamburlana z drame i si sme se od srca nasmejali. Pokle toga rieč je prevzela Magdalena i zbilja nam stručne i opširne poviedala se o drame v Hrvatske vi 17. i 18. stoletju, a posebne o kajkavska drama. Največ nas je interesieral diel o Barunu Tamburlanu jer je to zbiljam v iste vrieme smiešna i poučna drama. Napravila je jake liepu prezentaciju, a pokle prezentacije sme zaigrali kviz da se vidi koj sme zapamtili.
Bile nam je žal kaj se ta drama više nemre pogledati v kazališču jer su ju vu Varaždinu sneli z repertoara, a drugde nigde ne igra. Našalili sme se da bume muorali sami z ovoga jen igrokaz napraviti i odigrati ga.
