Zadnja KAJkavica ovuga leta je bila v Kajkaviane v petek 13. prosinca. Počeli sme vesele tak da nam je naš član dr. sc. Zdravko Dolenec prečital svoje šalne pesme koj su pofaljene na natječaju vu Kustošije. Poklam toga nam je naša članica Vera Grgacova čudaj toga o Pergošičavamu Decretumu poviedala i par sentenci na Pergošičave kajkavice prečitala. Imeli sme se o čemu spominati… Čak sme mogli videti i listati dva izdanja Verböczyjevuga Tripartituma ki se čuvaju v Kajkavianine knjižnice. Po te knjige je Pergošić svojuga Decretuma napisal, a jen i drugi su praf zapraf knjige zakonof ki su v zemlja krune sv. Stjepana vredeli od 16. do 19. stoletja. To je bil naš način da završime ove slavljeničke lete v terom obrnašame 450-tu letnicu štampanja prove kajkafske knjige – Pergošićuvuga Decretuma.
Piše: Danica Leštek
